Шведска ќе користи модерна технологија, вклучувајќи беспилотни летала и технологија за препознавање лица и регистарски таблички, за да се бори против насилните банди, соопштија шведските владини претставници.

Новиот закон ќе ја олесни соработката меѓу полицијата и другите власти, велат тие.

Софтвер за препознавање лица ќе се користи за да се идентификуваат познати членови на банди и регистарски таблички. Полицијата во поголема мера ќе може да користи дронови.

Предлог-законот се очекува во рок од осум месеци, рече министерот за правда Гунар Штромер. Бран пукотници и експлозии ја потресуваат Шведска. Во септември биле застрелани и убиени 11 лица, а една жена загина во експлозија.

Тоа е поврзано со конфронтациите меѓу бандите вклучени во трговијата со дрога. Меѓу жртвите има малолетници, од кои голем дел се имигранти.