Штајнмаер блиску до реизбор за втор мандат
Германскиот претседател Франк-Валтер Штајнмаер е на пат да биде реизбран за втор петгодишен мандат, бидејќи денеска ја обезбеди поддршката од владејачката партија на Зелените.
Шеесет и петгодишниот социјалдемократ (ПСД) Штајнмаер, кој првпат беше назначен за претседател во 2017 година, лани истакна дека би сакал повторно да се кандидира кога Германија ќе го избере својот иден шеф на државата на 13 февруари, пишува АП.
Зелените, кои се дел од новата коалициска влада со СДП и либералната ФДП, во соопштението наведуваат дека ќе им препорачаат на своите пратеници да гласаат за него.
Штајнмаер е „многу добар и високо почитуван федерален претседател кој направи голема услуга за нашата земја во текот на неговиот прв мандат”, оценуваат Зелените.
ФДП, исто така, потврдија дека ќе го поддржат Штајнмаер.
Претседателската функција е симболична улога во Германија, каде шефовите на државата можат да се кандидираат најмногу два мандата, но Штајнмаер ќе биде четвртиот кој ќе биде реизбран.