Како што пренесуваат белгиските медиуми, македонскиот репрезентативец Ѓоко Зајков е позитивен на коронавирус.

Играчот на Шарлроа се наоѓа во составот на повикани играчи кај селекторот Игор Ангеловски за првите натпревари овој месец во рамките од квалификациите за Светското првенство.

Зајков е еден од 10 позитивни играчи на ковид-19 во редовите на Шарлроа (покрај тренерот и целиот стручен штаб) после тестовите направени в среда. Денешниот тренинг е откажан, а се очекува и одложување на саботниот лигашки меч со Бершот.

Во дефанзивниот дел Ангеловски за дуелите против Романија, Лихтенштајн и Германија ги има на располагање уште Стефан Ристовски, Висар Муслиу, Егзон Бејтулаи, Кире Ристевски, Дарко Велковски и Езѓан Алиоски.

Претходно беше објавено дека нашата селекција нема да може да смета и на напаѓачот Влатко Стојановски, фудбалерот на францускиот второлигаш Шамбли.

Македонија без напаѓачот Стојановски во квалификациите за СП!