Селекторот Ашаданов со 13 кошаркарки за натпреварот против Португалија
По одработувањето на вечерниот тренинг во СРЦ „Кале“, многу веројатно и последниот пред заминувањето за Португалија, каде на 9 ноември македонската женска кошаркарска сениорска репрезентација ќе го игра првиот натпревар од квалификациите за Евробаскетот во 2025 година.
Селекторот Александар Ашаданов го одреди списокот на репрезентативки на кои ќе смета за овој натпревар.
За мечот во Матошинос, предводникот на нашиот женски национален тим се определи за 13 кошаркарки.
– Немаме многу време за подготовки пред овие два натпревари. Денеска одработивме два, се обидувме да поставиме некои работи кои ќе ни бидат од корист на натпреварите кои следуваат. Утре за Матошинос ќе патуваат 11. кошаркарки, а во Португалија ќе нè чекаат Нена Трајчевска и Александра Стојановска, па во еден комплетен состав ќе одработиме уште некој тренинг се со цела да бидеме што е можно поспремни за предизвиците кои стојат пред нашата селекција“ – потврдува Ашаданов по завршување на вечерниот тренинг, на кој го дефинираше финалниот ростер.
СПИСОК НА ЖЕНСКА СЕНИОРСКА РЕПРЕЗЕНТАЦИЈА ЗА НАТПРЕВАРОТ ПОРТУГАЛИЈА-МАКЕДОНИЈА
Анџелика Митрашиновиќ, Пештански Цајки (Словачка)
Матеа Николиќ, Пасаласка Рагуса (Италија)
Александра Стојановска, Кортегада (Шпанија)
Нена Трајчевска, ЦБ Архил (Шпанија)
Мерит Хемпе, Валенсија (Шпанија)
Милица Николиќ, Вебас (Србија)
Ивана Кметовска, Баскет Кам 2011 – М. Каменица
Елена Тасевска, Баскет Кам 2011 – М. Каменица
Сања Адамовска, Баскет Кам 2011 – М. Каменица
Илина Селцова, Вардар – Скопје
Ања Начевска, Вардар – Скопје
Марија Димитријевиќ, Вардар – Скопје
Клементина Модева, Струга 2009
Во првото коло на 9 ноември Македонија ќе гостува кај Португалија, а три дена подоцна нашата репрезентација ќе игра дома против Србија. Во квалификациската група „Г“ се наоѓа и репрезентацијата на Украина.