Се воведуваат промени во фудбалот? ФИФА размислува за познато кошаркарско правило
Меѓународната организација за правилата на фудбалската игра (ИФАБ) во соработка со ФИФА планира да воведе нови правила во фудбалот.
Денеска во Лондон се планира да бидат претставени два нови можни правила. Најинтересен е оној што би можел да се преслика од кошарката. Станува збор за запирање на времето кога топката ќе излезе од игра.
Споменатиот пример беше разгледан претходно на различни состаноци. Целта е натпреварот да содржи што повеќе од самата игра, бидејќи во денешно време фудбалерите често поминуваат време лежејќи на теренот и слично. Покрај тоа, тие сакаат да го зголемат времето за надополнување, како што се случи на Светското првенство во Катар.
On 18 January, the Annual Business Meeting (ABM) of The IFAB will take place in London. The agenda is now confirmed.
➡️ https://t.co/3bK3cVTTr7 pic.twitter.com/Q3n2M3OY7U
— The IFAB (@TheIFAB) January 11, 2023
– Не велам дека часовникот треба да се запира секогаш кога топката ќе излезе од теренот, туку за оние инциденти кои предизвикуваат најмногу доцнења: прослави голови, замени, пенали, повреди и ВАР – објасни поранешниот потпретседател на Арсенал, Дејвид Деин.
Генералното собрание во март сепак треба да одобри какви било промени и треба да поминат најмалку две сезони пред официјално да се воведе правилото за запирање на времето.
ИФАБ се состои од четирите британски асоцијации кои имаат по еден глас и ФИФА која има четири гласа. За да се прифати предлогот потребно е да се соберат шест од осум гласови.