Се огласи Грета за хаосот во Америка: Младата активистка го осуди расизмот!
Младата активистка зборуваше за немирите во градовите ширум САД.
Американската борба за расната правда после убиството на Џорџ Флојд, е дел од борбата против климатските промени и за социјалната правда која не обединува сите нас, изјави денес активистичката за климатски промени, Грета Тунберг.
– Мора да бидеме обединети и да запомниме дека борбата за социјална правда, правдата за животната средина, расната и климатска правда е иста борба – одговори Тунберг на новинарско прашањето, за поврзаноста помеѓу нејзиното движење и протестите во САД против расизмот.
17-годишната Швеѓанка разговараше со новинарите на настанот наменет за собирање медицинска помош за Бразил, кој е тешко погоден од пандемијата на коронавирусот.
Тунберг е позната по тоа што ги критикуваше светските лидери за неактивност во областа на климатските промени, а сега поради протестите ширум САД и пандемијата на коронавирусот, ја прошири својата порака.