Oсновното јавно обвинителство Скопје соопшти дека повело постапка против 34-годишна жена за која постои основано сомнение дека ги претепала двете сопствени мали деца.

„Осомничената, на 7 мај во вечерните часови, во станот во кој престојувала на улицата „Орце Николов“ во Скопје, при вршење семејно насилство телесно ги повредила своите деца на возраст од 5 и 4 години. Таа ги удирала децата по телата и главите, нанесувајќи им повеќе телесни повреди – хематоми“, велат од ЈО.

34-годишната Б.И. беше уапсена вчера, а децата се згрижени од Центарот за социјални работи.

Обвинителството додава дека во случајот постојат очигледни околности кои на јавниот обвинител му укажуваат дека постои опасност осомничената да се даде во бегство доколку биде пуштена да се брани од слобода, поради што до судот е предложено да ѝ биде одреден притвор.

Мајка си ги нападнала децата: Полицијата ја уапси, а децата се згрижени