Сари: Италијанскиот фудбал доцни 30 години зад европскиот, стадионите ни се катастрофа
Фудбалската репрезентација на Италија по поразот од Македонија по втор пат по ред нема да биде дел од Светското првенство, а тренерот на Лацио, Маурицио Сари смета дека италијанскиот фудбал доцни зад европскиот едно три децении.
По поразот од Македонија, медиумите во Италија фрлаа дрва и камења по репрезентативците што предизвика Чиро Имобиле, Жоржињо и Џорџо Кјелини да одлучат да стават крај на репрезентативната кариера, но Сари смета дека играчите не се виновни за поразот, туку главен виновник е системот бидејќи речиси ништо не се инвестира во последните неколку децении.
– Доцниме 30-35 години зад останатите европски фудбалски земји. Никој не зборува за тоа во каква состојба ни се стадионите, тренинг центрите… А кога ќе почнам да зборувам за тие работи, сите велат дека кукам. Но, доколку погледнете натпревар од Бундеслигата каде стадионите се модерни и исполнети до последно место и натпревар од Серија А ќе се запрашат: Што по ѓаволите гледам – вели Сари.