Салвини до Гир: Со ПРИВАТНИОТ АВИОН однеси ги мигрантите во Холивуд
Италијанскиот вицепремиер Матео Салвини на Ричард Гир му порача дека со приватниот авион може да ги земе мигрантите и да ги однесе во Холивуд.
Ваквата реакција доаѓа по пораката на Гир италијанската влада да престане да ги демонизира луѓето и да им помогне на мигрантите.
Гир, во знак на поддршка, вчера ги посети мигрантите на бродот „Open arms“ („Oтворени раце“).
Салвини иронично го нарече Гир дарежлив милионер и му се заблагодари на актерот што изразил загриженост за судбината на мигрантите на бродот „Open arms“.
„Тој можеше да ги одведе во Холивуд со неговиот приватен авион и да ги згрижи во неговите вили. Фала ти Ричарде“, рече Салвини во изјава која ја пренесоа британски медиуми.
Гир претходно на прес-конференција на италијанскиот остров Лампедуза ја спореди политичката ситуација во Италија со онаа во САД во контекст на бегалците од Мексико, Никарагва и Ел Салвадор.