Русија ќе му продаде евтина нафта на Пакистан
Пакистанскиот премиер Шехбаз Шариф денеска изјави дека е постигнат договор Пакистан да ја добие првата пратка руска нафта по намалена цена.
„Додека зборуваме, руската нафта се товари за да биде испратена наваму“, рече премиерот во парламентот.
Според договорот, Пакистан ќе купува само сурова нафта, а не нафтени деривати.
Министерот за нафта на земјата, Мусадик Малик, минатата недела потврди дека Пакистан ја набавил првата пратка руска сурова нафта по намалена цена.
Исламабад сака да увезува 100.000 барели дневно доколку првата трансакција се одвива без проблеми.
Првата пратка најверојатно ќе пристигне во пристаништето Карачи во мај.