Роналдо е прескап за турскиот гигант, Фенербахче сега гледа кон Азар
Летниот преоден рок во Топ 5 европските првенства веќе е затворен, но и натаму е во тек оној во Турција кој е отворен до 8 септември.
Турскиот гигант Фенербахче во чии редови настапува македонскиот репрезентативец Езџан Алиоски ќе се обиде да ангажира ново големо засилување, пренесуваат медиумите во Турција.
Станува збор за белгиската ѕвезда на Реал Мадрид, Еден Азар кој е „план Б“ за Фенер кој не може да си го дозволи Кристијано Роналдо, играчот на Манчестер јунајтед.
Различни информации, пак, доаѓаат од Шпанија, каде се тврди дека Реал Мадрид нема да преговара повеќе летово и дека нема да има повеќе излезни трансфери.
Тренерот на „кралскиот“ клуб, Карло Анчелоти неколку пати изјави дека Азар ќе добие повеќе шанси во однос на минатата сезона кога само седумпати беше стартер.
⏳ El Fenerbahce, que pot fitxar fins el dia 8 de setembre, no descarta un últim intent per Eden Hazard https://t.co/8SIgxZfKzX
— ElNacional.cat (@elnacionalcat) September 3, 2022