РК Еурофарм Пелистер ги започна подготовките, разигрувањето за титулата почнува во февруари
Ракометниот клуб Еурофарм Пелистер денеска ги започна подготовките за вториот дел од натпреварувачката сезоната 2023/24.
Под водство на стручниот штаб и тренерот Бранислав Ангеловски актуелниот македонски шампион го одработи првиот тренинг.
Девет репрезентативци од битолскиот клуб се дел од Европското првенство, а голманот Калифа Гедбан се подготвува за Африканскиот Куп на нации. Тие ќе се приклучат кон подготовките по завршувањето на континентналните натпреварувања.
Екипата деновиве ќе тренира во спортската сала „Боро Чурлевски“, а по комплетирањето предвидени се неколку контролни натпревари.
Разигрувањето за титулата во домашниот шампионат почнува во втората недела од февруари 2024 година.
Ангеловски ја доби довербата од Еурофарм Пелистер, потпиша перманентен договор
ВИДЕО | Кизиќ и Томовски едногласни: Утрешниот натпревар е историски