Речиси 4 милиони лајкови: Најдолгата холивудска караница официјално заврши со оваа фотографија
Кети Пери објави селфи со Тејлор Свифт на Инстаграм, а нивната заедничка фотографија за само еден ден им се допадна на повеќе од 3,2 милиони луѓе и досега собрала дури 3,6 милиони лајкови.
Пери го следеше првиот настап на Тејлор во Сиднеј во рамките на турнејата „The Eras“ во друштво на Рита Ора и сподели неколку фотографии и видеа од концертот, а вниманието го привлече нејзиното селфи со моментално најпопуларната пејачка во светот, кое е направено зад сцената, пишува „Си-ен-ен“.
„Морам да видам една стара пријателка како блеска вечерва“, напиша Кети покрај објавата. Имено, пејачките беа скарани речиси 10 години, а фановите нивната фотографија ја протолкуваа како симбол на помирување и крај на најдолгата караница меѓу познатите.
„Во 2014 година не можевме да замислиме дека ова ќе се случи“, „Ова е како сон“, „Ќе го срушиш интернетот“, „Жените ги поддржуваат жените“, „Треба да се смириме“ и „Сега направете соработка“ , се само неколку од коментарите на фановите.
Расправијата меѓу двете поп кралици започна пред 10 години. Порано беа добри пријатели, но тоа се промени во 2014 година, а нивната расправија стана јавна откако Свифт ја објави песната „Bad Blood“.
Имено, во песната Тејлор зборува за поранешна пријателка која и „забодел нож во грб“, а во интервјуата споменувала „позната пејачка“ која „се обидела да ја саботира нејзината турнеја и ги земала танчерите“.
“Со години не бев сигурна дали сме навистина одлични пријателки или таа само ме навредуваше. А потоа направи нешто што ме натера да мислам дека сме заколнати непријатели”, рекла Свифт во едно интервју, алудирајќи на тоа дека Пери ги крадела нејзините танчери.
Но, ниту Пери не ѝ остана должна, па својата поранешна пријателка ја нарече „волк во јагнешка кожа“.