Рецепт за десерт кој брзо ќе го подготвите: Чоколаден колач со солена карамела
Чоколадниот колач со солена карамела е едноставен, брз и вкусен десерт. Темното чоколадо е совршено избалансирано со солената карамела, што му дава уште повеќе вкус и длабочина.
Можете сами да направите карамела , не е комплицирано, а можете да користите и трик и да стопите меки карамел бонбони купени во продавница. Никој нема да ја забележи разликата. На крај испечениот колач посипете ја со крупна морска сол и уживајте во контрастот на слаткото и соленото.
Состојки:
– 200 г путер, плус за подмачкување
– 100 г темно чоколадо
– 100 г чоколадо со 50 проценти какао
– 400 г меки карамел бонбони, растопени на пареа или во микробранова печка
– 1 лажичка крупна морска сол, плус за посипување
– 200 г кафеав шеќер
– 4 јајца
– 130 г обично брашно
– 50 г какао во прав
Подготовка:
Загрејте ја рерната на 180 степени. Меките карамел бонбони растопете ги на пареа или во микробранова печка. Намачкајте и обложете со хартија за печење тавче со големина од 23 на 23 см.
Во средна чинија растопете 200 г путер, во сад искршете го темното чоколадо и чоколадо со 50 проценти какао, потоа тргнете го садот од оган и почекајте чоколадото да се растопи и измешајте.
Во помал сад измешајте 175 г стопени карамела бонбони и 1 лажичка морска сол. Остатокот од стопените карамел бонбони ставете ги во поголем сад со 200 г шеќер и 4 јајца и измешајте со електричен миксер или матете додека смесата не се изедначи. Изматете ја смесата од чоколадо и путер во неа.
Во друг сад измешајте 130 г обично брашно, 50 г какао во прав и малку кујнска сол, па просејте го во чоколадната смеса. Измешајте кратко додека не се изедначи. Истурете половина од тестото во калапот и израмнете го со шпатула.
Половина од солената карамела намачкајте ја на тестото во 5 дебели, рамномерно распоредени ленти. Со лажица намачкајте го остатокот од тестото и измазнете го, но внимавајте да не ги згазите лентите од карамела. На горниот слој од тестото нанесете карамела, исто како и првиот слој. Користете чепкалка за да направите четири или пет потези нормално на лентите од карамела за да создадете мермерна шема и посипете со малку повеќе сол.
Печете 25 до 30 минути или додека колачот не нарасне и не почне да прави кора. Оставете целосно да се излади во калапот, па исечете на квадрати и послужете.