Голманот на Реал Мадрид, Тибо Куртоа се врати на тренинзите по повредата и операцијата на предните вкрстени лигаменти на левото колено, но од денешниот тренинг на „кралевите“ повторно пристигнуваат лоши вести за белгискиот голман.

Враќањето на Куртоа беше планирано за во април и постепено Анчелоти го воведуваше во режимот на тренинг, меѓутоа денешниот тренинг Куртоа го завршил во солзи.

Белгиецот почувствувал болки во десното колено и стравувањата се дека во прашање е менискусот и ако тоа се потврди, тогаш за него сезоната е дефинитивно завршена. Се очекува да биде надвор од теренот најмалку два месеци со тоа што не е познато дали ќе биде потребна операција.

Претходната повреда на вкрстените лигаменти на левото колено Куртоа ја доживеа во аввгуст и секако дека оваа нова повреда за него претставува тежок удар.

Во целата несреќа за Реал Мадрид е добро што Андреј Лунин брани во одлична форма.