Рама: Цените за роаминг меѓу Европа и Западен Балкан до 99 отсто помалку
Премиерот на Албанија, Еди Рама денеска ја сподели радосната вест дека од 1 октомври цените на „интернет роаминг“ меѓу Европа и Западен Балкан се намалени во просек за 99 отсто, пренесува Телеграфи.
Рама рече дека овие цени се конкретизирани по потпишувањето на договорот на историскиот декемвриски самит во Тирана. Во рамките на Самитот ЕУ – Западен Балкан што се одржа на 6 декември 2022 година во Тирана, беше потпишан Договорот за роаминг со кој се отвори патот за почеток на процесот за укинување на роаминг таксата меѓу земјите од Европската Унијата и Западен Балкан.
Договорот беше потпишан во присуство на 6-те лидери на Западен Балкан, претседателот на Европскиот совет, Шарл Мишел, претседателката на ЕК, Урсула фон дер Лајен, комесарот за соседство и проширување Оливер Вархеји и генералниот секретар на Регионалниот совет за соработка, Мајлинда Брегу.