Променет железничкиот возен ред поради ограниченото движење

Воведувањето на продолжен полициски час кој ќе започне од утре, од 16:00 до 05:00 часот во работни денови и од 16:00 часот во петок до 05:00 часот во понеделник, предизвика промени во железничкиот возен ред, соопштија денеска од Железници на Република Македонија.

Од Железници информираат дека од утре ќе сообраќаат возовите на релација Велес – Скопје – Велес, и тоа возот 601 по возен ред со поаѓање од Скопје во 09:15 часот, возот 2080 ќе сообраќа предвреме со поаѓање од Велес во 11:30 часот, возот 2081 ќе сообраќа предвреме со поаѓање од Скопје во 12:40 часот, и возот 2082 со поаѓање од Велес во 13:44 часот.

Од понеделник до петок ќе сообраќа ад-хок патнички воз на релација Скопје – Велес со планирано поаѓање од Скопје во 05:45 часот и пристигнување во Велес во 06:30 часот, гарнитура за возот 630 од Велес.

-На релација Скопје – Гевгелија – Скопје ќе сообраќаат: возот 611 со поаѓање од Скопје по возен ред, во 06:23 часот, возот 632 ќе сообраќа предвреме со поаѓање од Гевгелија во 11:30 часот и возот 630 од Велес со променет возен ред, ќе сообраќа со задоцнување од 32 минути и ќе поаѓа од Велес во 06:45 часот, соопштуваат од Железници.

Оттаму посочуваат дека на релација Скопје – Битола – Скопје ќе сообраќа возот 641 со поаѓање од Скопје по возен ред, во 06:57 часот и возот 642 кој ќе сообраќа предвреме со поаѓање од Битола во 10:50 часот.

Утре, како што се дополнува во соопштението, ќе сообраќаат и возовите 640 на релација Битола – Скопје и 661 на релација Кичево – Скопје. Останатите возови планирани со возниот ред 2019/20 година нема да сообраќаат. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот