Фудбалскиот клуб Реал Мадрид денеска соопшти дека ќе поднесе тужба против поранешниот комесар на шпанската полиција Хозе Мануел Виљарехо, кој изјавил дека претседателот на мадридскиот тим Флорентино Перез ги поткупил судиите, пренесува шпанскиот спортски весник „Марка“.

Во понеделникот, за време на гостувањето на каталонската радио станица „RAC1“, Виљарехо рече дека Перез ги поткупил судиите.

– Тоа се случи пред еден од натпреварите со Барселона. Перез е едноставно недопирлив и невозможно е да се гони – изјави Виљарехо.

Клубот од Мадрид брзо реагираше на изјавите на поранешниот полициски комесар.

– Претседателот на Реал Флорентино Перез побара веднаш да се покрене соодветна правна постапка против поранешниот комесар Виљарехо поради лажните обвинувања на каталонското радио RAC1“ – се вели во соопштението на Реал.