Тие двајца биле заедно во седумдесетите, а Линда била инспирација за песната „Someone saved my life”.

Музичарот Елтон Џон веќе неколку години е во брак со Дејвид Фурниш, со кој има и два сина, а сега во јавноста се појави информација како тој и помогнал на својата поранешна девојка.

Иако веќе подолго време е во љубов со маж, Елтон пред неколку децении бил со девојката Линда Ханон која се нашла во невоља.

Тие двајца биле заедно во седумдесетите и таа била инспирација за песната „Someone saved my life”. Кога дознала дека и е неопходна итна операција, вградување на вештачки чашки на колената, Линда му се обратила на Џон.

– По долго размислување испратив мејл до менаџментот на Елтон. Вметнав и неколку детали на кои само тој би се сетил, поврзани за нашиот однос, изјави Линда за британските медиуми.

Откако му се обратила за помош, Елтон веднаш стапил во контакт со неа и и ја платил операцијата, пренесува „The Sun“.

По врската со Линда, Елтон бил во брак со Рената Блауел во текот на осумдесетите, но во 1988 се развеле и тој тогаш објавил дека всушност сака мажи.

Елтон е во врска со Дејвид од 1993 и заедно ги имаат седумгодишниот Илајџа и деветгодишниот Закари.