Поранешен НБА кошаркар е уапсен на аеродром поради удирање на својот син
Беше еден од подобрите играчи во НБА лигата, но кон крајот на професионалната кариера Бен Гордон стана поприсутен во медиумите поради приватни проблеми, а не поради кошаркарски игри.
Последниот инцидент доведе до тоа Британецот сега да биде уапсен. Поранешниот член на Чикаго, Детроит, Шарлот, Орландо е уапсен на аеродром бидејќи го удри својот 10-годишен син.
Според медиумите од Њујорк, Гордон се посрамотил додека чекал авион за Чикаго. Полицијата реагирала кога тој се качувал во авионот. Тој морал да го напушти летот, додека неговиот син бил пренесен во болница.
Гордон е приведен во полициска станица, ќе одговара за семејно насилство. Степенот на повредите на неговиот син не е соопштен. Во 2017 година, Британецот беше во медиумите за грабеж и разбојништво. Пред тоа беше и уапсен бидејќи возел автомобил со лажни регистарски таблички.
Поранешниот трет пик на драфтот забележа 14,9 поени во текот на кариерата.
Ex-NBA player was arrested at an airport on Monday after allegedly hitting his 10-year-old son. https://t.co/i8E2bvpDcO
— TMZ (@TMZ) October 11, 2022