Еден од најдобрите напаѓачи во Премиер лигата, Ајван Тони (27) е суспендиран на осум месеци поради прекршување на правилата за обложување. Одличниот напаѓач на Брентфорд нема да биде на теренот до 16 јануари следната година.

Тој моментно на листата најдобри стрелци во најквалитетната англиска фудбалска лига сезонава е на третото место со 20 голови, зад Ерлинг Халанд (36) и Хари Кејн (27).

Покрај суспезијата, Тони е казнет и со 50.000 илјади фунти за прекршување на правилата за обложување на Фудбалската асоцијација. Беше обвинет во ноември за прекршување на правилата за обложување кои им забрануваат на играчите да се обложуваат на исходот од натпреварите во Англија, а тоа го направи во 232 наврати помеѓу 25 февруари 2017 и 23 јануари 2021 година.

🚨 BREAKING: Brentford striker Ivan Toney has been suspended for 8 months after breaching the FA’s betting rules 😲 pic.twitter.com/Io3LrXtODo

— 433 (@433) May 17, 2023

Тони на рочиштето призна поголем дел од обвинувањата, а на крајот регулаторната агенција која го слушна фудбалерот немаше милост и денеска донесе одлука жестоко да го казни фудбалерот на Брентфорд.

– Санкциите беа наметнати од независна регулаторна комисија по сослушувањето. Нему му беше дозволено да се врати на тренинзите во последните четири месеци од неговата суспензија, почнувајќи од 17 септември 2023 година. Причините за суспензијата што ја изрече комисијата ќе бидат објавени подоцна, а Фудбалската асоцијација сојуз ќе се произнесе за исходот откако ќе ги разгледа – соопшти ФА.

Тони на тој начин можеби пропушти да направи сериозен трансфер летово бидејќи за него интерес покажаа најголемите англиски клубови.