Времето на малите армии без задолжителна воена служба во државите но и кратењето на финансиите за потребите на одбраната на една земја дефинитивно заминуваат во историјата. Една од причините за ваквиот нов феномен кој несомнено го наметна руската инвазија врз Украина станува глобален особено во Европа а државите се повеќе се ориентираат на вложувања во армиите но и обуки за способност за брза мобилизација на својот целосен одбранбен потенцијал, пишува реномираниот портал Геополитика.

Како што наведува медиумот од пораките на војната во Украина, станува јасно дека времето на малите, професионални армии во Европа заврши и дека во новата конфигурација на односите на моќ и војните што започнаа, државите ќе мора да имаат способност да го мобилизираат својот целосен потенцијал за одбрана.

– Несомнено ќе се врати служењето на воениот рок и разни други облици на задолжителна воена обука за сите граѓани. Исто така, на сцената се враќа досега занемареното одржување на фабриките за национални воени индустрии способни да произведуваат барем мало оружје и воена опрема и, пред сè, сите видови муниција. Целосната обнова на воени резерви на оружје, муниција и воена опрема, како и гориво и храна, но и заштитната инфраструктура на засолништата за цивилното население беше неизбежно исмејуван со години од неуките – наведува Геополитика.

Освен квалитетот на оружјето и опремата, војната во Украина покажа дека квантитетот е сè уште важен и дека државите мора да имаат на располагање обучени резерви на работна сила и воен материјал. Финска и Швајцарија се пример за тоа што, сакале или не, тоа ќе треба да го направат сите европски земји.

Дека голема воена резерва на жива сила и воен материјал е клучна за водење на војна потврди и Џастин Бронк, воен експерт од лондонскиот Кралски институт (RUSI), со примерот на Финска во интервју за Breaking Defense на 20 јули. На прашањето на новинарот на Breaking Defence, дали е неопходно да се одврати Русија од натамошна агресија со одлучно обновување на американските залихи оружје и муниција со интензивирање на испораката на воени материјали во Украина во услови на голема војна со висок интензитет армии, воениот експерт Бронк вели дека најпрво треба да се влезе во мозокот на агресорот и неговата тактика на војување пред да се повлечат било какви чекори на бојното поле.

„Кој е најуспешен во однос на одвраќање во Европа? Мојот одговор е Финска. А што има Финска? Па, може да мобилизира 270.000 целосно обучени војници за една недела во првиот бран на мобилизација, а има резерви на муниција доволни за шестмесечна борба со висок интензитет. Тие разбираат што е одвраќање. … Тие разбираат што се случува во рускиот ум затоа што треба да знаете што функционира кај оној што сакате да го одвратите. Па, што сметаат Русите кога размислуваат за Финска? Значи, тие бројат оружје, бројат залихи, бројат тенкови. Сега, би можеле да го сметаме тоа ужасно застарено размислување, но одвраќањето се јавува во умот на целта, а не на оној што го применува одвраќањето – анализира Бронк.

Од друга страна Геополитика наведува дека најголем проблем за државите во транзиција е проблемот со корупцијата, која според медиумот го спречува регрутирањето како дел од воената служба и создавањето на резервни сили. Поради постојаниот притисок на корупцијата и методите на политичкиот популизам, служењето на војската беше на шега во повеќето земји во транзиција, потоа беа пробиени законите за воена служба и половина од младата генерација беше прогласена за несоодветна за воена служба, а на крајот, воениот рок беше укинат или суспендиран. Во променетите воени услови на европско тло веќе нема да може да се функционира така, наведува медиумот.