Шесткратниот формула 1 шамион најдобро се снајде на дождливата патека на Ред бул ринг и дојде до 90. пол позиција во кариерата. Најбрзиот круг на Хамилтон беше за повеќе од една секунда побрз од второпласираниот Макс Ферстапен од Ред Бул, а третото најбрзо време го имаше Карлос Саинс од Мекларен.

Денешните квалификации беа под знак прашалник поради лошите временски услови во Шпилберг, речиси два дена врне силен дожд поради што утринскиот тренинг беше одложен. Но, со задоцнување од нешто помалку од еден час, возачите добија зелено светло и Хамилтон ја покажа својата класа во однос на конкуренцијата.

Хамилтон до полпозицијата дојде со најбрзиот круг кој изнесуваше 1:19.273 минути, што беше за 1.216 секунди побрзо од Ферстапен. Од вториот ред на утрешната трка ќе стартуваат Карлос Саинс од Мекларен и победникот од првата трка сезонава, Валтери Ботас.