Џорџ Винстон, познатиот соло-пијанист кој има продадено повеќе од 15 милиони албуми во неговата кариера, почина викендов, на 4 јуни, на 73-годишна возраст.  Тажната вест за смртта на пијанистот е објавена вчера.

Објавата дојде преку неговите социјални медиуми и веб-страница каде се наведува дека тој „безболно го напуштил овој свет додека спиел“ по една деценија долга битка со ракот.

We are deeply saddened to share the news that George Winston has passed away after a 10-year battle with cancer. George quietly and painlessly left this world while asleep on Sunday, June 4, 2023.
Read the full message: https://t.co/Me4QgH2ibS pic.twitter.com/0Kzs6YSgE2

— George Winston (@gwinstonpiano) June 6, 2023

Винстон се борел со ракот 10 години, а во 2013 година бил подложен на трансплантација на коскена срж.

Винстон е еден од најпродаваните инструментални пијанисти во светот за време на неговиот најславен период во 1980-тите и 90-тите години.

Во целата негова кариера, Винстон наоѓаше начини да ги помести границите. Негови можеби најпознати дела се „Peanuts“ на оригиналниот композитор Винс Гваралди, нумерата „The Velveteen Rabbit“, па целосниот албум во чест на рок-групата „Дорс“ – „Night Divides the Day“ објавен 2002 година, „Montana: A Love Story“, што вклучуваше и изведби на песни од Френк Запа и Сем Кук, како и последната компилација „Restless Wind“ од 2019 година, со мелодиите на Џорџ Гершвин и Стивен Стилс.