Почина Гејл Ханикат, позната по улогите во сериите „Dallas“ и „The Adventures of Sherlock Holmes“
Актерката Гејл Ханикат почина на 80-годишна возраст, а причината за смртта сè уште не е откриена, пишува „Дејли мејл“.
Гејл беше позната по тоа што ја играше улогата на Ванеса Бомонт во серијата „Dallas“, од 1981 до 1991 година, и улогата на Ајрин Адлер во „The Adventures of Sherlock Holmes“ во 1984 година.
Актерката родена во Тексас се преселила во Британија, а нејзината богата листа на ТВ улоги ги вклучува сериите „Fall of Eagles“, „The Golden Bowl“ и „The Return of the Saint“.
Таа зад себе ги остави двата сина Едвард и актерот Нолан, од серијата „Band Of Brothers“, како и петте внуци Попи, Тео, Оскар, Даш и Ниа.
Инаку, Гејл пораснала во „типичен американски дом во предградието“ во Форт Ворт. Таа е единствено дете на Сем, кој служел војска во Јужниот Пацифик за време на Втората светска војна, и нејзината мајка Вирџинија.
Иако сакала да биде актерка од петгодишна возраст, родителите на Гејл, исто така, оставиле голем акцент на нејзините академски достигнувања и таа добила стипендија на Универзитетот во Калифорнија, Лос Анџелес, каде студирала англиска литература и театар.