Ако сакате на вашето семејство или на драгите гости да им подготвите печиво што одлично оди со чај, кафе или топло млеко – меките слатки кифлички се одличен избор.

Мирисот на штотуку испечени кифлички секогаш буди убави спомени во нас. Меки однатре, малку крцкави однадвор. Уживање за непцето!

Состојки:

• 100 мл вода
• 300 мл млеко
• 20 г квасец
• 1 лажичка шеќер
• 2 јајца + жолчки
• малку сол
• 30 мл масло
• кора од лимон
• 800 г брашно
• џем по желба

Подготовка:

Издробете го квасецот, па додајте млака вода и шеќер. Кога ќе нарасне квасецот, додајте ги јајцата, млакото млеко, маслото, кората од лимон, брашното, солта и замесете убаво мазно тесто.

Покријте и оставете да отстои 30 минути. Протресете го на масата, па исечете 100 грама за поголеми и 50 грама за помали кифли.

Секое парче обработете го со рака и покријте го со фолија и крпа да отстои 10 минути.

Со сукало расукајте го по должина и ширина и премачкајте со џем.

Редете ги во подмачкана тава. Покријте ги да нараснат околу 15 минути, па премачкајте ги со жолчка.

Кифличките печете ги на 210 степени околу 30 минути, а потоа покријте ги со крпа за да се зачува мекоста.