Американската полиција конечно го реши случајот со исчезнатиот 22-годишен студент Кајл Клинкскалес, кој исчезнал без трага во 1976 година. Имено, на 7 декември 2021 година, тие добиле повик од маж кој забележал возило на дното на поток во близина на градот Кусет во Алабама. Во зарѓаниот Форд пронашле коски на помлад човек. Сега стигна и потврдата – се работи за Кајл, пренесува Cи-Би-Ес.

Посмртните останки биле анализирани од лабораторија на ФБИ на барање на Бирото за истраги во Алабама, а официјалниот извештај за причината за смртта засега не е завршен или објавен, соопштија од одделот на шерифот.

Кајл Клинккејлс исчезнал на 27 јануари 1976 година, кога со својот „Форд Пинто” се враќал од американската држава Џорџија во колеџот Обурн во Алабама.

Но, тој никогаш не стигнал на колеџ. По младото момче и автомобилот полицијата трагале цели 45 години. Дури се сомневало дека е убиен, а во 2005 година полицијата уапсила две лица за давање лажни изјави. Еден се изјасни за виновен по две точки од обвинението за лажно сведочење и помина седум години и осум месеци зад решетки.