По 23 години: Италијански свештеник ја напушта службата поради љубов
Италијанскиот свештеник Антонио Романо најави дека ќе ја напушти службата поради љубовта што ја чувствува кон една жена.
Свештеникот 23 години се грижел за верниците во Сан Доменико во близина на Авелино, јужно од Неапол.
„По долгогодишно пријателство, сфатив дека сакам жена со која споделувам чувства, аспирации, планови, вредности, вера, принципи и идеали“, изјави свештеникот Антонио Романо на својот фејсбук-профил.
Тој истакна дека не може да продолжи да се бори против својата природа, но дека секогаш ќе ѝ служи на својата заедница.
Многумина му напишаа пораки со поддршка и му посакаа многу среќа во понатамошниот живот.