Пепе за инцидентот со Алиоски: Го разочарав тимот и им се извинувам на фановите!
Изминатиот викенд Езџан Алиоски се најде во центарот на вниманието откако беше удрен со глава од играчот на Арсенал Николас Пепе, по што главниот судија му додели црвен картон на фудбалерот од Брегот на слоновата коска.
Македонецот одлично ги исполнуваше задачите не дозволувајќи му на противничкиот играч да направи нешто повеќе на теренот и воедно придонесе во ремито од 0:0.
Членот на „топчиите“ преку социјалните мрежи им се извинува на навивачите поради ваквиот потег.
– Во клучен момент го разочарав мојот тим и нема изговори за моето однесување. Длабоко жалам и им се извинувам на навивачите, моите соиграчи, мојот тренер и сите во Арсенал – напиша Пепе на „Инстаграм“.
Some outstanding corner backing from Alioski in the run up to Pepe's sending off ? superb man-marking execution. #lufc pic.twitter.com/DTnaCqYErO
— Liam Tunney (@ismiseliam) November 22, 2020
Веќе неколку пати се најавува дека нашиот играч ќе ја продолжи соработката со премиерлигашот од „Иланд роуд“. Македонскиот репрезентативец на крајот од сезоната му истекува договорот со Лидс јунајтед.
Според „Фудбал Инсајдер“, Лидс му нуди нов подобар договор на Алиоски и се надева дека сето тоа ова ќе се реализира во јануари 2021 година.