Рускиот претседател Владимир Путин ја ескалира војната во Украина и нуклеарната закана, но сепак треба да се разгледа дали се можни мировни преговори, во кои Кина и Индија можат многу да помогнат поради нивните интереси и мотивации, во време кога САД се подготвува да испрати воена команда во Германија за војната во Украина, оценуваат некои од западните аналитичари и медиуми.

Италијанскиот весник „Ла Република“ во извештај од Вашингтон пишува дека американските аналитичари се разочарани и веруваат дека Путин ќе ја продолжи политиката на интензивирање на војната во Украина, иако се сметаше дека по анексијата на источноукраинските области, Русија ќе даде шанса на дипломатијата, отворајќи ја вратата за некои преговори со Киев.

Иако, како што забележуваат некои аналитичари, сега останува прашањето кои се стратешките цели на Западот во украинската војна, да спречи руска воена победа или да го собори Путин и да ја фрли Русија на колена, како што претходно истакнаа највисоките американски претставници.

Некои угледни американски аналитичари сметаат дека Пекинг и Њу Делхи треба да се охрабрат и да го искористат своето влијание на Москва за да се запре војната, бидејќи и кинескиот и индискиот лидер деновиве му порачаа на рускиот претседател дека тоа треба да се направи, да се запрат немирите кои се закануваат на светскиот мир и стабилноста, а особено Кина, иако Индија и помага на Русија економски да ги „издржи“ западните санкции.

Во анализа на францускиот весник „Монд“ пушува дека „Путин за неколку месеци ја затвори вратата на дијалогот и дипломатијата и се приклучи на војната без никакви правила, а неговата судбина сега е неумоливо поврзана со она што оружјето ќе го постигне“.

„Не се работи за Русија, бидејќи ако тоа е доживотна битка за опстанок, тогаш тоа се однесува само на Путин“, смета „Монд“.

Аналитичарите се согласуваат дека војната лесно може да се разгори уште повеќе, американските воени стратези размислуваат што ќе направат САД и Западот доколку Путин употреби нуклеарно оружје, а „Њујорк тајмс“ пишува дека Пентагон веќе се подготвува да воспостави Американската воена команда за војната во Украина во Германија.

Американскиот весник пишува дека американските воени лидери подготвиле неколку сериозни планови во случај Русија да употреби нуклеарно оружје во Украина, „вклучувајќи и директно влегување во војната на страната на Киев, воено сценарио кое Бајден беше многу „решен да го избегне“.

Советникот за национална безбедност на Бајден, Џејк Саливан, се закани со „катастрофални последици“ доколку Русите користат тактичко нуклеарно оружје во Украина.

Во исто време, многу медиуми во ЕУ заклучија дека сè уште необјаснетата експлозија во гасоводите „Северен тек 1 и 2“ внесе нови сомнежи за војната на европско тло, а исто така беше забележано дека поранешниот шеф на полската Дипломатијата, Радослав Сикорски, навести дека Американците би можеле да стојат зад штетата на тие гасоводи.