Новопечениот бугарски државјанин, Христијан Пендиков, денеска пред обвинител во Охрид објаснувал какви повреди имал од тепањето во јануари, а бил дојден за да изврши препознавање на втор осомничен дека учествувал во претепувањето, за кое тврди дека се случило поради тоа што имал бугарско национално чувство.

Станува збор за засебна постапка која се води против битолчанец на возраст од 23 години. Од обвинителството за „Макфакс“ велат дека и во овој случај Пендиков има својство на оштетен. Повеќе детали не се споделуваат, а приказната која Пендиков ја раскажа во обвинителството утре ќе треба да ја соопшти и пред судија.

Според првичните информации, битолчанецот се сомничи дека сторил кривично дело Нанесување тешки телесни повреди, а за него се бараше да се определи мерка за обезбедување присутност. Доколку исказот на Пендиков соодветствува со доказите кои се обезбедени од обвинителството, меѓу кои и снимката од тепањето, тогаш младиот осомничен битолчанец ќе седне на обвинителна клупа.

Презентирана снимката од инцидентот со Пендиков, адвокатот на обвинетиот вели дека таа не докажува ништо