Пендаровски-Ѓукановиќ: Односите на двете земји се пријателски
Претседателите на Македонија и на Црна Гора, Стево Пендаровски и Мило Ѓукановиќ на билатералната средба се согласиле дека односите на двете земји се пријателски и продолжуваат без отворени прашања.
– Нашите две држави ги поврзува заедничкото минато, но повеќе заедничката иднина, просперитетот кон обединета Европа, како земја ја цениме поддршката од Црна Гора. Сакам да нагласам дека Црна Гора е меѓу првите земији која нè поддржува. Добив убедување дека тоа ќе продолжи – рече шефот на државата, Стево Пендаровски.
Нековиот колега, Ѓукановиќ очекува дека во иднина ќе продолжи соработката меѓу двете земји.
– Во Црна Гора сме уверени дека нестабилноста, по која за жал е познат Балканот, е последица на демократски развој на нашиот регион. Одговорот на нашиот проблем мора да биде интеграција, достигнување на европски квалитет на нашиот народ. Ние сме веќе членка на НАТО и сме во преговори со Европската унија. Сметаме дека е важно да ја поддржиме и Северна Македонија кон тој пат – изјави претседателот на Црна Гора, Мило Ѓукановиќ.
Тој додаде дека треба двете земји да ја унапредат економската соработка.
На оваа средба, Пендаровски, за првпат беше домаќин на негов колега, откако е претседател на државата.