Ватикан продолжува со плановите на папата Франциск за одбележување на „сива среда” или првиот ден на католички велигденски пост иако мисите во другите делови на Италија се откажани поради стравот од новиот коронавирус.

Папата Франциск се помоли за жртвите од вирусот и медицинскиот персонал.

– Уште еднаш сакам да изразам блискост со тие кои страдаат од коронавирусот и со здравствените работници кои ги лекуваат, како и со цивилните власти и сите кои им помагаат на пациентите во стопирање на заразата, посочи папата Франциск.

Илјадници верници на плоштадот Свети Петар носеа заштитни маски, а папата Франциск бакна едно дете додека се движеше низ плоштадот и се ракуваше со верниците кои седеа во првиот ред, иако вообичаено само ги отпоздравува со рака.

Исто така папата се ракуваше и со високите свештеници на почетокот и на крајот од собирот, додека поголемиот број свештеници се воздржаа од бакнување на папскиот прстен.