ОН ги осудија нападите врз цивили и земањето заложници во Газа и го повикаа Израел да доволи хуманитарната помош да стигне до таму
Антонио Гутереш генералниот секретар на ОН ги осуди нападите врз цивили и земањето на заложници во Газа и го повика Израел да дозволи хуманитарната помош да стигне до таму.
Тој повика на прекин на сите напади врз цивили, како и на ослободување на заложниците кои се држат во Газа, пренесе Би Би Си.
Гутереш потврди дека се убиени повеќе од 800 Израелци и предупреди дека бројот веројатно ќе се зголеми. Радио станицата на израелската армија, пак, објави дека во нападите на Хамас загинале најмалку 900 Израелци.
Тој рече дека е длабоко вознемирен поради 500-те загинати Палестинци во Газа, каде што билансот исто така расте од минута во минута, додека израелските воздушни напади продолжуваат.
Гутереш го повика Израел да ги заштити цивилите и цивилната инфраструктура при извршување на неговите воени операции.
Исто така тој ги повика сите страни да им дозволат пристап на ОН за испорака на итна помош во военото подрачје и загрозените места.