Официјално: Вејн Руни е новиот менаџер на Бирмингем
Поранешниот фудбалер Вејн Руни е назначен за нов менаџер на Бирмингем, објави англискиот второлигаш на својата официјална веб-страница.
Како што се наведува, Руни (37) потпишал договор со Бирмингем кој ќе трае до јуни 2027 година.
Екс играчот на Манчестер јунајтед ќе го наследи Џон Еустас, кој пред неколку дена доби отказ поради несогласувања со првите луѓе на клубот, иако тимот е во одлична позиција, на шестото место, кое води во плеј-офот за место во Премиер лигата следната сезона.
Неодамнешниот менаџер на американскиот ДиСи Јунајтед со себе во Бирмингем ги поведе своите помошници, Ешли Кол, поранешен соиграч од англиската репрезентација, како и Џон О’Ши со кој играше заедно во Манчестер јунајтед.
Пред да работи во ДиСи Јунајтед, Руни го водеше и англискиот второлигаш Дерби.
Birmingham City Football Club is delighted to announce the appointment of @WayneRooney as Manager, agreeing terms on a three-and-a-half-year contract.
Welcome to Blues, Wayne! 🤝🔵
— Birmingham City FC (@BCFC) October 11, 2023