Иако претходно беше најавено дека доаѓањето на Вардар ќе биде во вечерните часови, претпладнево беше објавена нова информација според која европските ракометни шампиони ќе слетаат во Скопје во 16.15 часот.

Но, на сајтот на скопскиот аеродром, летот во 16.15 часот кој доаѓа од Келн, а е од компанијата „Астра ерлајнс“ – има статус на откажан.

Инаку Град Скопје ќе го организира пречекот на ракометарите на Вардар од Келн. Засега уште не е познато точното време кога ќе слетаат во Скопје новите европски клупски ракометни прваци, а во Град Скопје моментно се договараат деталите околу пречекот на аеродром и на плоштадот „Македонија“.

Градоначалникот Шилегов на денешната седница на Град Скопје предложил ракометарите да бидат наградени со 6 милиони денари, предлогот бил поздравен со аплаузи. Инаку пречекот на ракометарите ќе го огранизира Градот и ќе чини 2 милиони денари.

Според најавите коментаторите на Арена Спорт ќе пристигна во Скопје заедно со нашите шампиони.