Нозете врзани со селотејп, тегови закачени на главата: Српска пејачка пронајдена мртва во базенот во нејзината куќа
Поранешната учесничка на реалното шоу „Парови“ и пејачка, Вољенка Илиќ, е пронајдена мртва во базенот на нејзината резиденција во Кабаре, во Доминиканска Република, пренесуваат српските медиуми.
Според извештаите, таа починала од задушување, односно од давење.
View this post on Instagram
Нејзиното безживотно тело било пронајдено во базенот, со нозете врзани со селотејп и со тегови прицврстени на главата, пренесува „Доминикан тудеј“.
Телото било пронајдено во четвртокот попладне во вилата К184 во населбата Перла Марина.
Како што се наведува, уште една државјанка на Србија, чие име не е познато, дошла во куќата на Вољенка на барање на нејзините роднини, кои неколку дена не можеле да контактираат со неа.
„Доминикан тудеј“ пишува дека на имотот било пронајдено писмо на српски јазик во кое Вољенка Илиќ напишала дека не сака да продолжи да живее.
View this post on Instagram
Полицијата спроведува темелна истрага за да утврди дали се работи за самоубиство или за злосторство.
Телото на Вољенка Илиќ е пренесено во Националниот институт за форензички науки во Сантијаго, каде ќе биде извршена обдукција.
