Најмалку 22 лица, меѓу кои и тројца будистички монаси, беа застрелани од непосредна близина минатата недела во манастир во селото Нан Наин во центарот на Мјанмар.

Портпаролот на мјанмарската хунта, која пред две години изврши државен удар за да ја собори избраната влада, рече дека нејзините војници се вклучиле во судири со бунтовниците во регионот Пинлаунг во јужната држава Шан, но дека не нападнале цивили.

„Силите за заштита на народот на Карен“ и друга бунтовничка група влегоа во селото Нан Наин, откако владините сили беа распоредени таму, заедно со локалната народна милиција, за да обезбедат безбедност, рече портпаролот на мјанмарската хунта Зав. Мин Хтун. – Кога терористичките групи отворија оган, некои селани беа убиени, а други повредени, додаде тој.

Портпаролот на бунтовничките групи рече дека војниците влегле во Нан Наин во неделата и пронашле трупови расфрлани во будистички манастир. На видеата и фотографиите обезбедени од бунтовниците се гледаат прострелни рани на труповите и дупки од куршуми во ѕидовите на манастирот.