Нови детали од почетокот на турбулентната врска на Џон и Џеки Кенеди: „Изгледаше како да го доби она што го сакаше од неа, а потоа ја напушти“
Новата биографија „ЏФК: Јавно, приватно, тајно“, на Џ. Ренди Тараборели, објавена во вторникот на 15 јули, открива дека Џеки отпатувала во семејниот дом на Кенедиеви во Хајанис Порт за време на викендот на 4 јули 1952 година. По завршување на празникот, ЏФК се вратил на работа како перспективен политичар и се посветила на работата.
Препорачано
„Бидејќи бил толку зафатен, Џон не се виде со Џеки два месеци. Таа се чувствуваше малку лошо поради тоа, особено откако биле интимни во Хајанис Порт, но за него тоа беше исто како авантура за една ноќ“, напиша Тараборели.
Книгата открива дека во тој момент и Џеки и Кенеди биле „неинспирирани“ еден од друг.
„Кога ќе беше со Џеки, беше во ред“, пишува во книгата. „Кога не беше со неа, и тоа беше во ред“.
Џеки била повредена
Во ноември 1952 година, ЏФК освоил место во Сенатот.
„Тогаш поминаа веќе пет месеци откако Џеки се имаше слушнато со него, и таа речиси се откажа од него. Беше повредена“, пишува Тараборели. „Изгледаше како да го доби она што го сакаше од неа, а потоа ја напушти“.
По уште неколку излегувања, тие имаа „непријатен телефонски разговор“, поради што се чинеше дека раскинаа. Ситуацијата стана неодредена кога ЏФК замина на патување во Европа во декември 1952 година – без воопшто да ѝ каже на Џеки дека заминува, пишува во биографијата.
Сè се променило следниот месец кога Џеки го придружувала Кенеди на неколку важни политички настани во јануари 1953 година.
„Џон сега очигледно сакаше Џеки да биде покрај него на важни настани, а Џеки беше возбудена, како и нејзината мајка“, напиша Тараборели. Патем, книгата откри дека мајката на Џеки, Џенет Очинклос, била фасцинирана од богатството на семејството Кенеди.
Кенеди и Џеки се венчаа во Њупорт во 1953 година. Тие останаа заедно до неговата смрт десет години подоцна. Во август 1956 година, Џеки го роди нивното прво дете, за жал мртвородена ќерка, Арабела. Ќерката Каролина е родена во ноември 1957 година, а синот Џон Јуниор во ноември 1960 година. Најмладиот син, Патрик, е роден во август 1963 година и почина кратко по раѓањето.
Кенеди беше убиен во ноември 1963 година во Далас на 46-годишна возраст, а Џеки почина во мај 1994 година на 64-годишна возраст по борба со ракот.
