Лидерката на венецуелската опозиција, Марија Корина Мачадо, ја доби Нобеловата награда за мир за 2025 година за борбата против диктатурата во земјата, а делумно му ја посвети наградата на претседателот на Соединетите Американски Држави, Доналд Трамп, кој постојано тврдеше дека ја заслужува наградата.

Мачадо рече дека нејзината награда е „огромно признание за борбата на сите Венецуелци“ и рече дека смета на поддршката од американскиот претседател, пренесе Ројтерс.

Венецуелката Марија Корина Мачадо ја доби Нобеловата награда за мир за 2025 година

„Ја посветувам оваа награда на страдалниот народ на Венецуела и на претседателот Трамп, за неговата непоколеблива поддршка на нашата цел“, напиша Мачадо во објава на Икс.

Ние сме на прагот на победата и денес повеќе од кога било сметаме на претседателот Трамп, народот на Соединетите Американски Држави, народите на Латинска Америка и демократските нации во светот како наши главни сојузници во остварувањето на слободата и демократијата, додаде таа.

This recognition of the struggle of all Venezuelans is a boost to conclude our task: to conquer Freedom.

We are on the threshold of victory and today, more than ever, we count on President Trump, the people of the United States, the peoples of Latin America, and the democratic…

— María Corina Machado (@MariaCorinaYA) October 10, 2025