Ник Кирјос би можел да ја заврши кариерата?!
Ник Кирјос сериозно ги загрижи љубителите на тенисот со потврдата дека нема да игра на Австралија Опен на почетокот од годината.
Поранешниот финалист на Вимблдон не успеа да се опорави од повредата на коленото поради што во 2023 година одигра само еден меч.
Тенискиот аналитичар Брет Филипс стравува дека Кирјос наскоро може да објави крај на кариерата.
„Повредите баш го „нападнаа“. Мислам дека и понатаму ќе се мачи да се врати, да бидам искрен има и многу работи кои може да ги прави надвор од тенисот. Се обиде да биде коментатор и остави добар впечаток, знам дека е паматен и има своја фондација, ќе биде баран. Има 28 години, но Ник секогаш велеше дека нема да игра тенис во длабоките 30-ти години, зборуваше за повлекување и пред две години. Тие повреди, коленото, зглобот…тоа е најлошо нешто со што можете да се соочите во тенисот“, изјави Филипс.
Тој смета дека не би било изненадување ако се погледнат некои други играчи.
„Дел Потро не успеа да се врати после повредата на зглобот. Федерер после неколку операции на кореното немаше сили да продолжи…Кирјос можеби ќе се врати и поради сервисот да остане натпреварувачки силен, но ќе има проблем со движењето по теренот, тоа никогаш не му била силна страна, тоа не може да му одговара“, заклучи Филипс.