Шефот на компанијата „Либерти Медиа“, која ги поседува правата на Формула 1 вели дека постои можноста во 2020 година да не се одржи ниту една трка.

Според Грег Марфи, сегашната сериозна ситуација е предизвик за сите.

– Разгледуваме различни сценарија. Може да има од 15 до 18 трки, а можно е дури да биде откажана сезоната. Но, има и опција да гледаме Големи награди без гледачи на трибините, само во присуство на претставници на тимовите – рече Марфи за „GrandPX“.

Сезоната првично требаше да започне во Австралија на 15 март, но девет трки веќе се откажани поради пандемијата на коронавирус.

Следната трка во календарот е трката во Франција на 28 јуни, но прашање е дали ќе се одржи.