НБА лигата ги укинува тестовите за марихуана
Поранешни играчи на НБА лигата ја поддржаа легализацијата на марихуаната, вклучително и Џ.Р. Смит и Ел Херингтон.
Раководството на кошаркарската НБА лига повеќе нема да тестира играчи за марихуана, пренесува „Атлетик“.
Таа одредба е вклучена во новиот колективен договор меѓу НБА и Професионалната кошаркарска асоцијација. Лигата и сојузот на играчи сè уште треба да ратификуваат нов повеќегодишен договор, кој ќе вклучува клаузула со која ќе се отстрани марихуаната од програмата за тестирање на дрога на лигата, а играчите повеќе нема да бидат казнети за пушење марихуана или користење на THC производи.
Здружението на играчи НБПА не откри детали за договорот, велејќи во соопштението на Твитер: „Конкретни детали ќе бидат достапни откако ќе се финализира списокот со условите“.
Претходната политика за употреба на марихуана за играчите во НБА беше доста строга. Играчот, за кој беше утврдено дека пушел марихуана, бил ставен во програма за лекување и советување за прв прекршок, казнет со 25.000 долари за втор прекршок и забрана за учество во пет лигашки натпревари за трет прекршок.
Во 2021 година, НБА објави дека повеќе нема случајно да тестира играчи за употреба на марихуана.