Навивачите во Германија ја добија битката, нема да има влез на странски инвеститори
Раководството на германската фудбалска лига се откажа од планот на странските инвеститори да им се овозможи влегување во клубовите. Во прв план беа инвеститори од Саудиска Арабија, меѓутоа навивачите беа против „подобрување на угледот на Бундеслигата“ на тој начин.
Веќе неколку недели навивачите на клубовите од Бундеслигата, но и од пониските рангови ги прекинуваа натпреварите на најразлични начини, а тоа беше во знак на протест.
Челниците на германскиот фудбал сметаа дека се вложување на странските инвеститори може да се подигне угледот на Бундеслигата, се најавуваа и најразлични маркетинг стратегии, сепак како што сега стојат работите нема да има ништо од тоа.
Навивачите не сакаат влегување на странските инвеститори како што тоа е случај со Премиер лигата каде што во последните години пристигнаа силни финансиски инекции од арапскиот свет. Од друга страна германскиот фудбал е во пад, голем број второлигаши и третолигаши се на работ да згаснат, тука е и славниот Шалке кој има сериозни финансиски проблеми.