Највредната банкнота во Аргентина ќе биде со ликот на Марадона
Аргентинската сенаторка Норма Дуранго најави можност да се пуштат нови банкноти од 1.000 пезоси (10 евра) со ликот на Диего Марадона.
Најавата на сенаторката Дуранго наиде на воодушевување на Аргентинците бидејќи банкнотата од 1.000 пезоси е највредната во оваа јужноамериканска земја.
– Идејата не е само да оддадеме почит на најголемиот спортски идол туку тоа да биде и економско прашање. Чувствуваме дека сите туристи кои ќе ја посетат Аргентина ќе сакаат да ја однесат банкнотата со ликот на Диего со себе – изјави Норма Дуранго.
Will Diego Maradona’s face be printed on Argentina’s banknote?https://t.co/xkR8OzDTie ?
A campaign is under way in Argentina for the face of the late footballer, #DiegoMaradona, to be put on one of the country’s banknotes.
— One News Page (@One_News_Page) December 8, 2020
Аргентинците веднаш започнаа со планирањето на дизајнот на новата банкнота и сакаат таа да биде впечатлива. Една од идеите е на банкнотата да биде само неговиот лик, додека добар дел од граѓаните би сакале на неа да биде отсликан Марадона при постигнувањето на голот кој и го даде на Англија на Светското првенство 1986 година.
Печатењето на новата банкнота се очекува да започне идната година, откако ќе ги помине сите процедури кај аргентинските финансиски власти.