Најочекуваниот моден настан: Откриена е темата за Мет Гала 2024 година
Њујоршкиот музеј „Метрополитен“ ја најави темата на следната Мет Гала, којашто традиционално се одржува првиот понеделник од месец мај.
Темата за следното издание на овој гламурозен моден настан гласи – „Заспани убавици: повторно будење на модата“ („Sleeping Beauties: Reawakening Fashion“).
Следната изложба, која ќе се одржи на 6 мај 2024 година, ќе ги опфати некои од најстарите и ретко видени дизајнерски креации низ историјата.
„Иновативната тема ќе ги помести границите на нашата имагинација и ќе нѐ поттикне да ги доживееме многуте аспекти на модата, да дознаеме повеќе за нејзината историја и, на крајот, да стекнеме подлабоко разбирање за нејзината убавина“, рече Макс Холејн, извршен директор на музејот „Метрополитен“.
Фокусот на изложбата ќе биде ставен на историски креации, а некои ќе бидат стари и по 400 години.
Според „Вог“, изложбата ќе биде исполнета со креации на култните модни творци Ив Сен Лоран, Елза Скиапарели, Кристијан Диор, Хуберт де Живанши и други. На изложбата ќе има и современи дела на Филип Лим, Стела Макартни и Конер Ајвс.
ФОТО | Мет гала: Мачки, бисери и екстравагантни креации во чест на Карл Лагерфелд