Најлесниот појадок: Рецепт за вкусна овошна каша – одличен начин да го почнете денот
Овесната каша е одличен избор за појадок, а денеска ви пренесуваме едноставен начин како да ја направите – без готвење.
Имено, овесната каша се остава да отстои во млеко преку ноќ, во фрижидер. Во овој процес, кашата омекнува и станува пријатна за јадење, пишува „Пун куфер“.
Можете да ја комбинирате со различни овошја, јаткасти плодови, семки и засладувачи.
Потребни состојки:
- 150 милилитри млеко
- 65 милилитри овошен јогурт
- 50 грама овесна каша
- 1 лажица мед
- 1/2 лажичка екстракт од ванила
- прстофат сол
Подготовка:
Во тегла измешајте ги млекото и јогуртот со медот и екстрактот од ванила. Додадете малку сол, а потоа додадете ја овесната каша и добро измешајте. Затворете ја теглата и оставете ја во фрижидер да отстои преку ноќ.
Наутро послужете ја овесната каша со прелив по желба. Можете да додадете овошје како банани, малини, боровинки, јаболко и сл. Едноставно, додадете го вашето омилено сезонско или замрзнато овошје.
Не заборавајте да додадете и извор на здрави масти како семки или јаткасти плодови.
На здравје!
Нова студија открива: Времето за појадок е клучно за спречување на дијабетес тип 2!