Како што беше најавено претходно, италијанскиот фудбалер Николо Ѕаниоло потпиша за Галатасарај и со тоа стана дел од најголемиот трансфер во историјата на турскиот фудбал.

Овој 23-годишен играч за врска во нападот побара да го напушти својот сегашен клуб Рома и на крајот се оствари неговата желба. Ѕаниоло потпиша договор со турскиот гигант до 2027 година и ќе заработува по три и пол милиони евра по сезона, плус бонуси.

Откупната клаузула ќе изнесува 35 милиони евра, а римската „волчица“ веднаш ќе инкасира 16 и пол милиони, плус потенцијални 13 како бонус.

Ѕаниоло сакаше да се пресели во Милан, кој испрати понуда од 20 милиони, но Рома истата ја одби. Заинтересиран беше и Бурнмаут, а Рома ја прифати понудата од 30 милиони евра, но играчот не изрази желба да игра во Англија.

За италијанската репрезентација дебитираше во март 2019 година, оттогаш забележа 11 настапи и постигна два гола.

Ufficiale: Nicolò Zaniolo ceduto al Galatasaray.#ASRoma pic.twitter.com/6BfAyM6pfz

— AS Roma (@OfficialASRoma) February 8, 2023