Светскиот рекет број три и најбогатата светска тениска ѕвезда Џесика Пегула не можеше да го сокрие разочарувањето откако загуби еден од „најлудите мечеви“ во нејзината кариера.

Пегула (29) претрпе пораз од Петра Квитова во возбудлив меч од осминафиналето. Квитова на крајот победи со 6-2, 3-6, 7-6 (13-11) и се пласира во четвртфиналето.

– Тоа боли. Еден од најлудите натпревари што сум ги одиграла. Нема што да кажам само да се вратам на работа – изјави Пегула по тесниот пораз.

Нејзиниот татко Тери е сопственик на НФЛ-клубот Бафало билс и се верува дека има богатство од над седум милијарди долари, што го прави 434. најбогата личност во светот.

Ќерка му Џесика има поголемо богатство од Роџер Федерер и Серена Вилијамс заедно, иако од награди на турнири има заработено „само“ околу 10 милиони долари за време на нејзината импресивна спортска кариера.