Над стотина летови се откажани на аеродромот во Минхен поради снег
Обилните снежни врнежи и ниските температури на аеродромот во Минхен денеска предизвикаа големи одложувања и откажаа повеќе од 100 полетувања и слетувања.
„Околу 130 авиони не можеа да слетаат или полетаат. Најмалку една писта мора да биде слободна во секое време, а екипите најизменично ја чистат секоја писта од снег“, изјави портпаролот на аеродромот.
На патниците им било кажано да контактираат со нивните авиокомпании за да дознаат дали има доцнења или откажувања на летови.
Аеродромот предвидува натамошни откажувања на летови поради зимските временски услови, рече портпаролот.
По Франкфурт, Минхен е вториот најфреквентен аеродром во Германија.
Според прогнозата на германската метеоролошка служба во сабота во Минхен непрекинато ќе паѓа снег.